Xoghayaha guud Golaha Aqalka Sare ee Baarlamaanka JFS mudane Cabdinaasir Guuleed ayaa maanta magaalada Muqdisho uga qeybgalay kulan wadatashi ah oo uu soo qaban qaabiyay xafiiska Xisaabiyaha guud ee Qaranka, kaas oo looga hadlayay hirgelinta nidaamka saxiixa Elektarooniga ah (e-Signature).
Wadatashiga waxaa loogu soo bandhigay caqabadaha hadda ka jira saxiixa warqadaha iyo sida ugu habboon ee loogu gudbi karo nidaamka Saxiixa Danabaysan (e-Signature).
Xoghaye Cabdunaasir Guuleed oo khudbad ka jeediyay kulanka wadatashiga ah ayaa sheegay in Baarlamaanku ay dedejiyaan ansixinta shuruucda maaliyadda, sidoo kale ay ahmiyadda koowaad siiyaan sida ugu haboon ee lagu horumari karo nidaamka maaliyadeed ee dalka.
